क्रीकपाटी , १२ पौष, राजबिराज ।
राजबिराज स्पोर्टस क्लबको आयोजना तथा सफ्तरी क्रिकेट संघको सहकार्यमा संचालित राजबिराज क्रीकेट लिग अर्न्तगत आईतवार सम्पन्न फाईनलमा इजिवर्ल्डले रोमान्चक खेलमा युथ क्रिकेट एकेडेमीलाई ३ बिकेटले पराजित गर्दै उपाधि माथी कब्जा गरेको छ ।
( बिजेता इजिवर्ल्ड ईन्जीनियरिंग )
युथ क्रिकेट एकेडेमीले टसजिती पहिलो ब्याटिंग गर्ने निर्णय गर्दै निर्धारित २० ओभरको खेलमा ६ बिकेट गुमाई १ सय १३ रन जोडेका थिए । युथका लागि आशिष झाले उत्कृष्ट ब्याटिंग गर्दै ५५ बलमा ४ चौक्का र २ छक्काको मद्धतले ४१ रनको योगदान दिएका थिए भने बिवेक यादव २९, पप्पु यादव १६ र नितेश यादवले १३ रनको योगदान दिएका थिए । बलिंग तर्फ रोबिन सिंहले ३ तथा अनिल यादवले १ बिकेट लिएका थिए ।
(उपबिजेता युथ क्रिकेट एकेडेमी)
१ सय १५ रनको लक्ष्य लिई मैदानमा ओर्लेको इजिवर्ल्डले उक्त लक्ष्य १८ ओभर ५ बलमा ७ बिकेटको नोक्सानीमा भेटाएका थिए । ईजिवर्ल्डका लागि निरज यादवले धैयर्तापुर्ण पारी खेल्दै ५२ बलमा २ चौक्का र १ छक्काको मद्धतले ३५ रनको योगदान दिएका थिए भने महवुव आलम र अमल दासले क्रमश २० र १४ रन तथा अनोज यादव १५ रनमा अविजित रहेका थिए । बलिंग तर्फ बिवेक यादव र मनिश मण्डलले सामान ३ बिकेट लिएका थिए भने अजय यादवले १ बिकेट लिएका थिए ।
फाईनल खेलको म्यान अफ द म्याच उत्कृष्ट पारि खेलेवापत ईजिवर्ल्डका निरज यादव भएका थिए ।
(म्यान अफ द म्याच निरज यादव )
प्रतियोगिता अर्न्तगत उत्कृष्ट ब्याट्सम्यान सबल नेपालका राहुल मण्डल, उत्कृष्ट बौलर ईजिवर्ल्डका अनिल यादव, इमरजिंग प्लेयर राजबिराज स्पोर्टसका दिपेश सरदार तथा म्यान अफ द सेरिज ईजिवर्ल्डका किर्तिमानी खेलाडि महवुव आलम भएका थिए । प्रतियोगिता अर्न्तगत बिजेता टिमलाई नगद रु ३० हजार तथा उपबिजेता टिमलाई १४ हजार प्रदान गरिएको थियो ।
(उत्कृष्ट ब्याट्सम्यान राहुल मण्डल)
( उत्कृष्ट बलर ईजिवर्ल्डका अनिल यादव)
( इमरजिंग प्लेयर दिपेश सरदा)
(म्यान अफ द सिरिज महवुव आलम)
